counter

hurf-e-aghaz

Chund saal pehley ek ma'aroof idaarey ney mujhey "Naujawano'n Kay Masa'el" per lecture ki da'awat dii. Ghaliban Pakistan bhar mein iss tarah khuley aam jins (sex) jaisey nazuk mozou per guftugoo ka yeh pehla moqa tha. Naujawan shurka'a ney iss lecture mein bohut zyada dilchaspi lii chunancha kuch arsey ba'ad isi idaarey ney mujhey phir isi mozou per izhar-e-khayal ki da'awat dii. Iss martaba taqreeban 19 jinsi mughalito'n ki haqeeqat beyan ki gaee jinhon ney naujawano'n ki zindagi ko tabah kar rakha tha. Naujawan shurka'a ka khayal tha kay inn ma'aloomaat ney unn ki zindagi mein aasani paeda ki aur masa'el kay bojh ko kam kya. Lehaza yeh ma'aloomaat Pakistankay har naujawan tak pohonchni chahiyien.

google

Saturday, September 19, 2009

Islam Aur Mushtzani

Islam Aur Mushtzani

Woh log jo jail mein hotey hain ya kisi wajah sey jinsi amal sey mehroom hotey hain, unki jinsi salahiyat kam honay lagti hai yani jinsi sargarmi (activities) sey jinsi salahiyat mein izafa hota hai.

Note: mein iss hissey ko kitab mein shamil na karna chahta tha phir socha kay aisa karna ilmi bud diyaniti ho gi.

Mardon kay do ahem jinsi masa'il sur'at-e-inzal (premature ejaculation) aur namardi (impotency) hain. Inn donon amraz kay elaj ka sab sey mu'asser tareeqa elaj mushtzani hi hai jo poori dunya mein kaamyabi sey istemaal ho raha hai. Isi tarah aurton ka ek ahem jinsi masla (vaginismus) hai jis mein mubaashirat kay doran dakhool na mumkin hota hai, iss masley ka ahem hull bhi mushtzani hi hai.

Islam Aur Mushtzani

Mushtzani (masturbation) kay hawaley sey doosra ahem masla ehsaas-e-gunah ka hai. Merey ek client ney mushtzani sey bachney ki bharpoor koshish ki magar kamyaab na ho saka. Phir ehsas-e-gunah ki shiddat ki wajah sey khudkushi kii magar khushqismati sey kamyaab na ho saka. Mushtzani gunah hai ya nahi, chota gunah hai ya barra, iss per ikhtilaf-e-raey ho sakta hai magar khudkushi per to dozakh lazim ho jati hai.

Mushtzani/khudlazzati key hawaley sey ek baat zehen mein rahey kay shuru mein amooman naujawan isey shauq sey nahin kartey bul kay majbooran kartey hain. Dar asal mard kay masane

Islam Mein Mushtzani Halal Ya Haram

Yeh naaliyan taqreeban 3.5 din ba'ad bhar jati hain, mani ka ikhraj na honay per inn mein irritation aur tension hoti hai jis ki wajah sey fard khudlazzati/mushtzani per majboor ho jata hai.

Mushtzani kay hawaley sey imamo'n ki ra'ey mein ikhtilaf hai.

  1. Imam Malik aur Imam Shafa'ee isey gunah aur haram samajhtey hain.
  2. Imam Abuhanifa kay nazdeek gunah sey bachney kay liye ba'waqt-e-zaroorat ki ja sakti hai aur Khuda maaf farma dey ga.
  3. Imam Han'bal isey ja'ez samajhtey hain aur in kay nazdeek iss ka koi gunah nahin.

Islam mein halal aur haram bohut wazeh hain. Islam ka ek bunyaadi usool yeh hai kay har cheez halal hai jab tak Allah aur uskay Rasool ney usko haram na qarar diya ho. Quran Majeed mein mushtzani kay haram honay ka kahin bhi wazeh zikr nahin. Ba'az ulma'a ney sura Momineen ki aayat 5,6 :

"yaqeenan falah paee eeman laney walo'n ney jo …apni sharamgaho'n ki hifazat kartey hain, siwaey apni biwiyon aur londiyon kay"

sey akhaz karney ki koshish ki hai kay yeh haram hai jab kay bohut sey doosrey ulma'a ney yeh mafhoom nahin liye. Kuch ney kaha kay iss sey muraad mat'aa hai ba'az ney kaha kay iss sey muraad zina hai. Yani iss hawaley sey ahl-e-ilm mein khasa ikhtilaaf hai. Agar iss sey murad mushtzani li jaey to phir iss sey yeh nukta bhi nikalta hai kay biwi aur londi ki har cheez ja'ez hai aur halal hai yani maq'ad mein mubaashirat karna bhi ja'ez aur halal hoga.

Gunah e Kabira: Ramazan Roza Imam

To phir iss per yeh daleel di jati hai kay amal-e-qom-e-loot ko to Quran mein wazeh tor per haram qaraar diya gaya hai. Quran majeed kay muta'alley sey ek baat samney aati hai kay ba'az jagah Quran majeed ney ek cheez ki hurmat ki taraf sirf ishara kya magar kisi doosri jagah isey wazahat sey haram qarar dey diya gaya. Yani koi aisa gunah-e-kabeera nahin jis ko Quran-o-hadees mein wazahat sey beyan na kya gaya ho. Chunancha Quran majeed mein mushtzani kay haram honay ki koi wazeh ayat mojood nahin. Iss tarah Allah kay nabi ney bhi isey haram qaraar nahi diya. Meine ahadees ki ahem kutub ko chaan maara, mujhey mushtzani ki hurmat per koi ek bhi hadees nahin mili. Sirf Anas bin Malik kay hawaley sey ek hadees ka zikr aata hai magar ahl-e-ilm ney isey ghareeb qarar diya hai kyun kay is ski sanad mein ba'az ravi majhool aur za'eef hain.

Phir meine ulma-e-ahl-e-hadees aur ahnaaf sey bhi raabta kiya to woh bhi kisi sahi hadees ki taraf meri rehnumaee nahin kar sakey, yeh masla mojooda daur ki paedawar nahin bul kay Allah kay nabi kay daur mein bhi tha. Meri naqis ra'ey mein Allah aur us kay nabi ney iss masley sey sarf-e-nazar kya hai. Chunancha Imam Zehbi ney apni mashhoor kitab 'Gunah-e-Kabeera Ki Kitab' mein 79 gunah-e-kabera ka zikr kya hai. Jo darj zael hain:

1. Allah kay sath shirk karna 2. Qatal karna

3. Jadu karna 4. Namaz chorna
5. Zakat ada na karna 6. Mah-e-Ramzan ka roza bina uzr chorna

7. Taqat kay bawajood Haj na karna 8. Walaedaen ki nafarmani karna

9. Qareebi rishtey daaron sey qata'a ta'alluq kar lena aur sila rehmi na karna

10. Zina karna 11. Amal-e-qom-e-loot 12. Soodi laen daen

13. Yateem ka maal khana 14. Allah aur Rasool per jhoot bolna

15. Maedan-e-jang sey farar 16. Hakim-e-waqt ka re'aya ko dhoka dena aur unn per zulm karna 17. Ghamand karna aur deengein marna

18. Jhooti gawahi dena 19. Sharab peena 20. Jua baazi

21. Paakdaman aurton per tohmat lagana 22. Maal-e-ghaneemat mein khayanat karna 23. Chori karna 24. Daaka dalna

25. Jhooti qasam khana 26. Zulm-o-zyaditi karna

27. Ghunda tax wasool karna 28. Haram khana 29. Khudkushi karna

30. Aksar baton mein jhoot bolna 31. Allah kay qanoon sey hutt kar faisla karna 32. Faisla karney per rishwat lena 33. Jins-e-mukhalif ki mushabihat ikhtiyar karna 34. Dayyoosi ikhtiyar karna yani apney ghar walon mein akhlaqi buraee (zina) ko bardaasht karna

35. Halala karney wala aur halala karwaney wala

36. Peeshaab kay chee'nton sey perhaez na karna

37. Jaanwaron kay mu'nh per daagh lagana

38. Dunya kay husool kay liye ilm hasil karna aur ilm ko chupana

39. Khayanat karna 40. Ehsaan jatlana

41. Taqdeer ko jhutlana 42. Logon ki posheeda baton kit oh lagana

43. Chughal khori karna 44. Bilawajah la'anat karna

45. Dhoka dena aur ahed poora na karna

46. Najoomi aur kahan ki tasdeeq karna

47. Khawand ki nafarmani karna 48. Bilazaroorat tasweer banana

49. Museebat kay waqt tamanchey marna, noha karna, kaprey pharna, ser kay baalon ko mundwadena, baalon ko nochna, halakat aur tabahee ki bud dua'en karna 50. Zulm aur sarkashi karna

51. Kamzor ghulam, londi, biwi ya janwar per zulm karna

52. Parosi ko takleef dena 53. Musalman ko takleef ya gali dena

54. Takabbur ya baraee ki gharz sey tehband takhno'n sey neechey rakhna

55. Soney chaandi kay bartanon mein khana peena

56. Mardon ka sona ya resham pehenna 57. Ghulam ka bhaag jana

58. Ghaer Allah kay naam per zibah karna

59. Jaan boojh kar haqeeqi nasb ka izhar karna

60. Jhagraloo pan ka muzahira karna

61. Izaafi pani rok lena 62. Kam tolna yak am naapna

63. Allah ki tadbeero'n sey bey khauf hona

64. Murdaar ya khinzeer ka gosht khana

65. Juma'a aur farz namaz ko terk kardena

66. Ba jama'at ki bajaey tanha namaz parhna

67. Allah ki rehmat sey mayoos hona

68. Musalman ko kafir kehna 69. Dhoka fareeb dena

70. Sahaba karam mein sey kisi ko gaali dena

71. Ghalat faisla karney wala qazi

72. Jhagrey kay doran gaaliyan dena 73. Nasb ka tana dena

74. Mayyat per noha karna 75. Zameen kay nishanaat mitana

76. Ghalat rivaj paeda karna ya gumraahi ki da'awat dena

77. Ja'ali husn paeda karna

78. Musalman ki taraf aslaha kay sath ishara karna

79. Hudood-e-haram mein zyaditi karna

poori fehrist ka ba ghor jaeza lein, iss fehrist mein kahin khudlazzati ka zikr nahin.

Ek zamaney mein mujhey haerat thi kay ek kaam jisey 95% log karney per majboor hain, woh gunah hai. Ab ilm hua kay Allah aur uskay Rasool ney iss masley mein sukoot farmaya hai, magar humarey ba'az ulma'a ney isey haram qarar dey diya. Iss ka maqsad yeh nahin kay hum khudlazzati/mushtzani ki wakalat kar rahey hain na hum iska mashwara detey hain kay sab larkon aur naujawanon ko aisa karna chahiyie, meine khud nahin kii.

14 comments:

  1. Man, please don't miss lead people, If you are the well wisher of young generation identify yourself.
    my email id is immadzaff@gmail.com

    ReplyDelete
  2. Please don't beleave on this. it wrrong and please don't miss guide people.Man, please don't miss lead people, If you are the well wisher of young generation identify yourself.

    ReplyDelete
  3. this is true miss-leading of young generation, young generation seek knowledge dont believe in one stuff , its all miss-leading,
    Best person to answer all ur queries is your masajid's aaliim ye din.

    ReplyDelete
  4. This comment has been removed by the author.

    ReplyDelete
  5. es ko visit kar lain musht zani ka illag likha hwa hai
    http://wiki.khanqah.org/Musht_Zani

    ReplyDelete
  6. I also think this man is misguiding and cheating our young generation. How is it possible that hand practice is halal in Islam. Khatak100@yahoo.com

    ReplyDelete
  7. Dear brothers and sisters please dont believe on this website and this writer this writer is agent of Yahood o nasaras. This web site is a game to weak the Muslim's young generation and please also guide your friends and others through proper way(sms or mail). Kindly follow this link and read the Hadees of Our Holy Prophet(P.B.U.H) about Musht Zani/Hand practice/Khud lazzati.
    http://wiki.khanqah.org/Musht_Zani
    Thanks Idrees bhai.

    ReplyDelete
  8. If this man is well wisher of Muslims young generations then why he is not showing himself.If this Dog is well wisher of Muslims then mail or call me.
    Khatak100@yahoo.com
    03005011757/03439000898

    ReplyDelete
  9. he is totally wrong............ this same article is also written on other website...
    noorclinic.com
    and it also has a forum for this website... so, it is better to take action about noorclini.com who actually spreading this informtion.

    ReplyDelete
  10. YES THIS PERSON & NOOR CLINIC IS LEADING US TO GO TO WRONG PATH.THEY SHOULD GO TO HELL.WHEN I WAS 14 I STARTED DOING MUSHTZANI BECAUSE I SAW THESE KINDS OF THINGS WRITTEN HERE AND IN NOOR CLINC THAT IT HAS NO SIDE AFFECTS bUttttttTT NOW MY AGE IS 16 & IAM HAVING ALMOST ALL THE PROBLEMS LIKE BACK PAIN ,VISION LOSS ,SEEING CIRCLES AROUND LIGHTS ,WEAKNESS ,THIN BONES , ALSO BRAIN PROBLEMS ETC........ BELIEVE ME ITS JUST A LIE ,MUSHT ZANI IS VERY HARMFUL.DON'T BELIEVE ON THESE KIND OF PERSONS & MUSHT ZANI IS ALSO NOT ALLOWED IN ISLAM.SO LEAVE THIS HABIT FOREVER & ALSO PRAY FOR ME BECAUSE IAM ALSO STRUGGLING WITH HABIT.
    ANY ONE CAN CONTACT ME ON MY EMAIL FOR ASKING HELP
    EMAIL: khizar_1995@yahoo.co.in

    ReplyDelete
  11. In Islam Musterbation/Musht Zani is not allow.

    but In Wahhabism (Deobandi & Ahle hadith Salf) it is allowed.

    It is also allowed in Shiyat (shia).

    In islam person who musterbate, the angels curse upon him.

    Farishtay musht zani karnay walay per lanat bhejtay hain.

    My english is weak sorry for it.

    ReplyDelete
  12. asalam o alaikum i am shabraiz anwer and i actually dont know this article is tottaly write or wrong but the person who written this is dr and well educated person i am not giving you a message for start hand practice butt i am telling you if you think that there is no way left to control your self and you are in jail and other kind of place like jail so you have to allow hand practice other daily routine you dont have a permision acording to islam to do hand practice if you think you can lose you control its upto you do nikkah if you cant so do fast daily until you will control your self

    ReplyDelete
  13. hon banda kindi gall mane te kindi na manneee.......not clear

    ReplyDelete

chitika