ITS VERY CHEAP RATE HOSTING ONLY IN 1.99$ PER MONTH

counter

hurf-e-aghaz

Chund saal pehley ek ma'aroof idaarey ney mujhey "Naujawano'n Kay Masa'el" per lecture ki da'awat dii. Ghaliban Pakistan bhar mein iss tarah khuley aam jins (sex) jaisey nazuk mozou per guftugoo ka yeh pehla moqa tha. Naujawan shurka'a ney iss lecture mein bohut zyada dilchaspi lii chunancha kuch arsey ba'ad isi idaarey ney mujhey phir isi mozou per izhar-e-khayal ki da'awat dii. Iss martaba taqreeban 19 jinsi mughalito'n ki haqeeqat beyan ki gaee jinhon ney naujawano'n ki zindagi ko tabah kar rakha tha. Naujawan shurka'a ka khayal tha kay inn ma'aloomaat ney unn ki zindagi mein aasani paeda ki aur masa'el kay bojh ko kam kya. Lehaza yeh ma'aloomaat Pakistankay har naujawan tak pohonchni chahiyien.

google

My title page contents

google

Saturday, September 19, 2009

Islami Jinsi Talim Aur Rehnuma Malumat Ki Zaroorat

Aur yeh bhi haqeeqat hai kay bachey ko agar sahi zaryey sey ma'aloomat namilein to phir woh ghgalat aur tabah kun zaryey sey gumraah kun ma'aloomat hasil karta hai aur inhi ma'aloomaat ka asar hai kay naujawan tabqa jinsi aur akhlaqi tor per tabahi kay kinarey per khara hai.

Humarey khayal mein jinsi ta'aleem bachon ko ghar hi sey miley. 9/10 saal ki umer mein maan beti ko aur baap beteyko yeh ta'aleem deni shuru kardey. Research sey sabit ho chuka hai kay bachey walaedaen sey jinsi ma'aloomaat hasil karney ko tarjeeh detey hain. Iss liye yeh baat bey hudd zaroori hai kay walaedaen khud Quran-o-sunnat aur jadeed tehqeeq ki roshni mein taza aur sahi ma'aloomat hasil karein ta'kay woh agli nasal ko yeh ma'aloomat muntaqil kar kay ek pursukoon aur behter mua'ashirey ki bunyaad rakhein. Walaedaen kay elawa teachers ko bhi yeh ma'aloomat hasil karni chahiyien ta'kay woh hasb-e-zaroorat bachon ki rehnumaee kar sakein.

Yeh ta'aleem bachon ko ek dum nahin bul kay marhala waar milni chahiyie ta'hum shaadi sey pehley jinsi ta'aleem ki takmeel ho jani chahiyie. Iss ta'aleem mein bachon ko apney jismani a'aza (anatomy) aur unn kay functions (physiology) kay hawaley sey ma'aloomat frahamki jaein. Iss kay elawa mubaashirat, halal, haram, hamal, paeda'esh aur jinsi beemariyon waghaera kay hawaley sey ma'aloomat dii jaein. Khusoosan jins kay hawaley sey jitney mughalitey hain unn ki haqeeqat sey bachon ko aagah kya jaey.

Iss kay elawa bachon ko yeh ta'aleem-o-tarbiyat bhi dii jaey kay unhon neu apney aap ko jinsi tashaddud (sexual abuse) sey kis tarah bachana hai.

No comments:

Post a Comment

chitika