counter

hurf-e-aghaz

Chund saal pehley ek ma'aroof idaarey ney mujhey "Naujawano'n Kay Masa'el" per lecture ki da'awat dii. Ghaliban Pakistan bhar mein iss tarah khuley aam jins (sex) jaisey nazuk mozou per guftugoo ka yeh pehla moqa tha. Naujawan shurka'a ney iss lecture mein bohut zyada dilchaspi lii chunancha kuch arsey ba'ad isi idaarey ney mujhey phir isi mozou per izhar-e-khayal ki da'awat dii. Iss martaba taqreeban 19 jinsi mughalito'n ki haqeeqat beyan ki gaee jinhon ney naujawano'n ki zindagi ko tabah kar rakha tha. Naujawan shurka'a ka khayal tha kay inn ma'aloomaat ney unn ki zindagi mein aasani paeda ki aur masa'el kay bojh ko kam kya. Lehaza yeh ma'aloomaat Pakistankay har naujawan tak pohonchni chahiyien.

google

Saturday, September 19, 2009

Larkon Kay Masail Aur Jinsi Mughalitey


Larkon Kay Masail
Jinsi Mughalitey
Masail Aur Unka Hal
Baloghat kay waqt bachon kay jism mein bohut si jismani tabdeeliyan aati hain. Maslan zer-e-naaf baalon ka aajana, larkon ko shahoot ka zyada aana aur phir shahoot ki wajah sey zakar sey laesdaar liquid ka kharij hona. Jins-e-mukhalif ki taraf kashish mehsoos karna, larkon ko ehtilam aur larkiyon o mahwari ka khoon aana waghaera. Aksar naujawano'n ko shak hota hai kay yeh tabdeeliyan normal hain ya abnormal. Badqismati sey humarey naujawano'n ko iss silsiley mein durust ma'aloomaat nahin miltiin chuna'ncha neem hakeem aur deewari ishtehaaraat ki ma'aloomaat ki wajah sey aksar naujawan inn fitri tabdeeliyon ko khatarnaak jinsi aur jismani beemariyan samajh letey hain aur phir pareshan ho jatey hain. Iss pareshani aur zehni daba'u (stress) ki wajah sey woh mukhtalif nafsiyati aur jismani beemariyon ka shikar ho jatey hain maslan yeh naujawanamooman depression ka shikar ho jatey hain. Iss marz mein fard shadeed udaasi aur afsurdagi mehsoos karta hai, iss ka kisi cheez mein dil nahin lagta, kuch karney ko dil nahin karta, tanhaee pasand ho jata hai, uski neend urr jati hai, bhook khatam ho jati hai wazen kam ho jata hai. Fard kay jism kay mukhtalif hisson mein dard honay lagta hai aur phir usey yaqeen ho jata hai kay usey waqaee koi khatarnaak beemari lag gaee hai. Phir yeh naujawan kisi neem hakeem kay hutthey charh jatey hain jo unhein batatey hain kay unko koi khatarnaak qism ki jismani aur jinsi beemari lag gaee hai.
Mani Ka Ikhraj
Jis kay elaj kay liye kafi raqam aur waqt ki zaroorat hai. Ghareeb sey ghareeb naujawan bhi kisi na kisi tarah sey elaj kay liye moti raqam paeda karta hai, chahey usey chori hi kyun na karni parey. Ba'az naujawan to elaj kay liye maan kay zaewer tak baech detey hain. Yeh hakeem naujawanon ko steroids waghaera detey hain jinhein kha kar aksar naujawan kisi na kisi muhlik beemari mein mubtala ho jatey hain. Bohut sey shadi shuda joron mein inhi mughaliton (misconceptions) ki wajah sey alaehdgi ho jati hai.
Amooman 15 aur 20 saal ki umer mein jinsi ghudoodon ki kaarkardagi ki wajah sey naujawan larkon mein mani (semen) zyada bannney lagti hai jiski wajah sey naujawanon mein jinsi aasoodgi ki shadeed khwahish paeda honay lagti hai aur mukhtalif tareeqo'n sey apni jinsi aasoodgi hasil karney ki fikr kartey hain kyun kay hum mani ko mehfooz nahin kar saktey chuna'ncha iska ikhraj zaroori hai aur yeh ikhraj ek sehat mand uzwiati amal hai. Yeh ikhraj jaez ho sakta hai aur na jaez bhi, halal bhi aur haram bhi. Yeh shaoori ho sakta hai aur ghaer shaoori (ehtilam) bhi.
Mani (semen) kay ikhraj kay 4 zaryey hain.
1. Shaadi 2. Ehtilam 3. Khudlazzati 4. Zina
Har baligh fard mazkoora 4 zaryon mein sey ek aadh zarya zaroor ikhtiyar karta hai, mujhey aisey kisi fard ki talaash hai jo jawan hai aur jinsi aasoodgi kay liye mazkoora 4 mein sey koi bhi zarya ikhtiyar nahin karta. Agar aap hain to mujh sey fori raabta karein aap ka naam 'Guiness Book Of World Records' mein shamil hoga.
Shaadi (Marriage)
Mani (semen) kay ikhraj ka sab sey behter zarya shaadi hai isi liye Allah kay nabi ney nay taakeed ki hai kay baaligh hotey hi fard ki shaadi kar di jaey ta'kay who gunaho'n sey bach jaey. Shaadi ki wajah sey fard na sirf gunaho'n sey bach jata hai bulk ay mani kay ikhraj ki wajah sey woh jismani aur zehni tor per pursukoon ho jata hai. Biwi sey mubaashirat sirf faraj mein karney ki ijazat hai. Maq'ad(anus) mein mubaashirat qata'an haram hai.
Hazrat Abu Hurera sey rivayat hai kay Hazrat Muhammad ney farmaya kay apni biwi kay paas maq'ad (anus) mein aaney wala mal'oon hai. (Ahmed, Abudaud)
Maghrib mein taqreeban 30% mard kabhi na kabhi aurat ki maq'ad (anus) mein mubaashirat kartey hain, yaad rahey kay dakhool (penetration) kay ba'ad donon per ghusal farz ho jata hai chahey inzal ho ya na ho.
Shadi bhi kisi aurat kay sath ho. Maghrib mein to shadi mard kay sath bhi hoti hai j okay ek bohut bara gunah hai. Badqismati sey humarey haan bhi aisey log mojood hain jo ayrat ki nisbat mard sey jinsi fael ko terjeeh detey hain yeh ek nafsiyati beemari hai jis ka nafsiyati elaj mumkin hai. Humarey haan yeh sahoolat mojood hai.

Ehtilam (Nocturnal Ejaculation)


Ek dubla patla naujawan merey clinic mein aaya, woh bohut pareshan tha. Uss ney bataya kay woh din ba din kamzor hota ja raha hai, uski mardana quwwat khatam hoti ja rahi hai. Meine wajah poochi to batay akay usey haftey mein ek baar ehtilam ho jata hai. Meine uss sey poocha kay kya woh bachpan mein mota taza tha uss ney bataya kay woh bachpan hi sey dubla patla hai. Meine poocha kay kya usey bachpan mein bhi ehtilam hota tha uss ney naïf mein sar hilaya yani uss kay dubley pan ki wajah ehtilam na tha magar woh iss ko wajah samajh kar pareshan tha.

Mani kay ikhraj ka doosra behter rasta ehtelam hai jin naujawano ko mubashirat ya khud lazzati ka kasrat sey moqa nahin milta unn ko ehtilam ho jata hai. Yani sotey mein khwab mein ya khwab kay baghaer peeshab kay rasta mani kharij ho jati hai. Iss kay baad ghusal farz ho jata hai, albatta iss sey roza nahin tootta. Hazrat AbuHurera sey marvi hai kay RasoolAllah ney farmaya kay teen cheezon sey roza nahin tootta, pachna, qaey aur ehtilam. (Abudaud)

Yeh amal 8, 10 saal ki umer sey shuru ho sakta hai. Behter hai kay bachay ko iss kat muta'alliq paeshgi bata diya jaey warna isey jinsi beemari samajh ley ga aur khauf zada aur pareshan ho jaey ga. Phir kisi neem hakeem kay hutthey charh kar sehat aut rupya zaya karey ga. Ehtilam ek bilkul normal aur sehat mand uzwiati amal yakaifiyat hai jis kay barey mein pareshan honay ki zarorat nahin.

Ehtilam Kay Farzi Burey Asraat: Kamzor Dimagh Khauff
Albatta agar yeh 6, 7 saal ki umer mein shuru ho jaey to phir kisi mahir urologist sey mashwara kar liye jaey.
Ehtilam waley khush qismat hain kyun kay woh iss tarah mani kay ikhraj ki wajah sey khudlazzati aur zina sey bach jatey hain. Yeh rozana ho sakta hai bul kay ek raat mein do teen baar bhi ho sakta hai. Ek mashhoor muhaqqiq Kinsey kay survey kay mutabiq yeh ek haftey mein 12 dafa bhi ho sakta hai. Yeh na sirf naujawano ko hota hai bul kay 70 saala boorhey, jis ko m ubaashirat ka moqa nahin milta, ko bhi ho sakta hai. Ta'hum yeh chahey kitni hi martaba kyun na ho ek normal amal hai, kyun kay mani ka ikhraj ek sehat mand amal hai. Insan ki sehat per iss kay koi burey asraat nahin partey. Saarey doctors, reasearchers, mahireen-e-nafsiyat aur jadeed ilm sey aagaah hakeem iss baat sey poori tarah ba khabar hain kay ehtilam koi nuqsan deh cheez nahin. Chuna'ncha yeh baat poorey daawey sey kahi ja sakti hai kay ehtilam kay kisi bhi tarah kay burey asraat nahin.
Allbatta neem hakeem naujawano ko ehtilam kay farzi burey asraat aur tabah kaariyon sey khauf zada kar detey hain, jin mein sey chund yeh hain_
Ehtilam sey dimagh aur hafiza kamzor ho jata hai._parhney ko dil nahin karta (parhney ko kis talibilm ka dil karta hai) yaad kya hua yaad nahin rehta_beenaee kamzor ho jati hai_a'asaab kamzor parr jatey hain_fard khauf aur ghabraahat ka shikar ho jata hai_uss kay dil ki dharkan taez ho jati hai_aankhon kay aagey andhera cha jata hai_chusti, chalaki khatam ho jati hai_chehra bey ronaq ho jata hai_badan susu aur kamzor parr jata hai_fard zara si mehnat sey thak jata hai_kisi kaam mein dil nahin lagta.

Ehtilam Kay Farzi Burey Asraat: Khauff
Albatta agar yeh 6, 7 saal ki umer mein shuru ho jaey to phir kisi mahir urologist sey mashwara kar liya jaey.
Taangon aur kamar mein dard mehsoos hota hai_fard susti, kaahili aur udaasi mehsoos karta hai_mizaj chirrchira ho jata hai_ehsaas-e-kamtari ki wajah sey fard kisi sey aankh mila kar baat nahin kar sakta.
Yaqeen karein kay inn tabah kaariyon ki koi haqeeqat nahi. Albatta kuch log ehtilam kay ba'ad kuch kamzori aur doosri jismani aur nafsiyati alamaat (symptoms) ki shikayat kartey hain. Iss ki wajah manfi suggestions hain jo humein ghaer meyari kutub aur deewaron per ishtehaarat sey milti hain jin mein ehtilam ki tabah kaariyon ka zikr hota hai. Phir fard sochta hai kay woh kamzor ho jaey ga to woh kamzor ho jata hai, dar asal insan jaisa sochta hai waisa hi mehsoos karney lagta hai.
You Are What You Think
Hath halka bhari honey ka tajurba
Ek tajurba karein, kisi pur sukoon jagah beth jaein, aankhein bund kar lein, donon baazu aagey ko kar lein aur tasawwur karein kay aap kay da'ein hath per ek hot air balloon bandha hua hai, jo aap kay hath ko ley kar ooper ja raha hai aur doosrey hath kay ooper ek moti dictionary hai uss kay bojh ki wajah sey baya'n hath neechey jar aha hai, aap kuch der sochein aur tasawwur karein, hath khud ba khud halka aur bhar ho jaey ga.
Iss kamzori ki bari wajah inn farzi tabah kaariyon ka khauf aur zehni dabau (stress) hota hai jis ki wajah sey fard depression ka shikar ho jata hai.

Zehni Dabau Aur Ehsaas e Gunah
Depression mein fard shadeed afsurdagi aur udaasi mehsoos karta hai, uski neend urr jati hai, bhook khatam ho jati hai jiski wajah sey woh kamzor honay lagta hai. Iss kay elawa zehni dabau (stress) ki wajah se fard bohut si doosri jismani beemariyon ka shikar ho jata hai. Ab tehqeeq sabit ho chuka hai kay nafsiyati beemariyon ki sab sey bari wajah zehni dabau (stress) hai. Iss kay elawa 50 ta 80% jismani beemariyon ki wajah bhi zehni dabau hota hai. Iss sey ulcer sey cancer tak ho jata hai. Haqeeqat yeh hai kay ehtilam kay jinsi, zehni aur jismani sehat per koi burey asraat nahin partey.
Iss ki ek aur wajah fard ki tawaqqa (expectation) bhi hai. Insaan jaisi tawaqqa karta hai waisa hi mehsoos karney lagta hai yani waisa hi ho jata hai. Ek American doctor Norman ney ek dilchasp tajurba kya, iss tajurbey mein 10 log shamil thay. Inn mein Dr.Norman khud bhi shamil tha. 10 log ek hotel mein ikatthey huey. Dr. Norman ney unn sey poocha kay woh agley saal kis cheez ki tawaqqa kartey hain. Har fard ney apni tawaqqa ek kaghaz per likhi aur inn sab ko alaehda alaehda envelope mein bund kar diya gaya. Ek saal ba'ad yeh sab log isi hotel mein ikatthey huey, inn mein ek fard na aaya. Ek ek kar kay sab kay envelope kholey gaey har fard ney jiski tawaqqa ki thi uss nay taqreeban woh cheez hasil karli thi. Ghaer hazir fard ka envelope aakhir mein khola gaya iss mein darj tha kay humarey khandaan mein mardon ki umrein zyada lambi nahin hotiin lehaza mera khayal hai kay mein agley saal tak zinda na rahun ga, aur woh faut ho chuka tha.
Naujawan amooman pehley mushtzani (masturbation) shuru kartey hain, phir ehsaas-e-gunah aur iss kay farzi asraat kay khauf sey
Ehtilam Ki Wajoohaat
Mushtzani chor detey hain magar mushtzani chortey hi unn ko ehtilam shuru ho jata hai. Phir naujawan ajeeb makhmasey mein phans jatey hain kay mushtzani karein to shadeed ehsas-e-gunah aur jinsi kamzori ka ehsaas aur mushtzani chorein to ehtilam aur phir jismani aur jinsi kamzori ka khuaf aur ehsaas.

Ehtilam Ki Wajoohaat
  1. Iss ki wajah to yeh hoti hai kay fard ki mani ka kisi aur zaryey sey ikhraj nahin hota to iss tarah sey ikhraj ho jata hai kyun kay koi fard mani ko mehfooz nahin kar sakta.
  2. Romantic films, fahash films, tasaweer, kahaniyan, fahash baatein aur internet per sex sites ka visit bhi iss ka ek ahem sabab hain.
  3. larki kay sath romantic mahol mein guzara hua waqt jis mein mubaashirat ki shadeed khwahish ho jo poori na hui ho, iss tarah ehtilam kay zaryey khwab mein fard woh khwahish poori kar leta hai.
  4. Narm bister, tung patloon aur underwear bhi ek ahem wajah hai.
  5. Soney sey qabal peeshab na karna ya soney mein peeshab ko rokna waghaera bhi wajah ban jati hai.
Mahireen ka khayal hai kay ehtilam ko bund karney ki koshish na ki jaey, agar mani kay ikhraj ka yeh acha raasta bund ho gaya to woh fard doosrey ghalat raastey talash kar ley ga, phir woh khudlazzati karey gay a zina mein mubtala ho jaey ga. Amooman woh naujawan jin ko zyada ehtilam hota hai woh khudlazzati (masturbation) nahin kartey.
Ehtilam Ki Wajoohaat: Shaadi Tawajjuh
Ehtilam ghaer shadi shuda afraad kay elawa shadi shuda afraad ko bhi ho jata hai jin ko biwi sey mubaashirat ka jald ya kasrat sey moqa nahin milta, ta'hum isey kisi hudd tak kam kya ja sakta hai. Iss kayliye gandi filmon, kahaniyion, tasaweer, sex sites, dramon, gaanon aur buri sohbat sey bacha jaey, sports mein zyada dilchaspi lii jaey, rafahee kaamon mein hissa liye jaey, deen ki taraf zyada tawajjuh dii jaey. Raat ka khana kam aur jald khaya jaey. Raat kay khaney kay ba'ad saer ki jaey, sotey waqt garam doodh aur chaey na pii jaey, sotey waqt zyada pani na piya jaey. Bister bohut narm na ho, isi tarah kaprey khusoosan underwear tung na ho. Soney sey pehley peeshab zaroor kar liye jaey. Sotey mein jab bhi peeshaab ki hajat ho to foran neend sey baedaar ho kar peeshab kar liye jaey. Peeshab rokney ki zaroorat mein ehtilam kay imkanaat bohut barh jatey hain. Waisey ehtilam koi beemari nahin, iss ka koi nuqsaan nahin aur na hi iss kay elaj ki koi zaroorat hai
Khudlazzati Sey Kamzori
Khudlazzati
Masturbation
26 sala Asif elaj kay liye merey clinic aaya. Masley ki tafseel batatey huey uss ney bataya kay woh bohut kamzor ho chuka hai. Din ba din uski mardana quwwat khatam hoti ja rahi hai aur ab woh biwi kay qabil nahin raha. Usey shadeed ehsaas-e-gunah bhi tha, ek baar khudkushi ki koshish bhi kar chuka hai. Uss ney bataya kay woh mushtzani (masturbation) ka shikar hai aur koshish kay ba wajood isey chor nahin saka.
Mani (semen) kay ikhraj ka teesra aur ahem zarya khudlazzati aur mushtzani hai isey hathrasi, dastkashi aur handpractice bhi kaha jata hai.
Khudlazzati aur mushtzani mein ma'amooli sa farq hai. Khudlazzati sey muraad yeh hai kay fard mubaashirat kay elawa kisi bhi aur tareeqey sey mani kharij karey. Khudlazzati ka sab sey ahem zarya mushtzani hai. Mushtzani sey muraad apney hath sey ya kisi doosrey kay hath sey mani ka ikhraj karna. Ba'az mahireen (oral) mu'nh sey sex ko bhi khudlazzati mein shamil kartey hain. Yeh baat yaad rahey kay mani kay ikhraj sey roza toot jata hai aur fard per ghusal wajib ho jata hai. (mishkat)
Khudlazzati kay bohut sey tareeqey hain sab sey aam to zakar (penis) ko hath sey mushta'el karna hai.
Khudlazzati Ya Mushtzani Sey Pareshan Naujawan
Magar ba'az log maq'ad (anus) aur peeshab ki naali mein koi cheez daakhil kar kay bhi jinsi lutf uthatey hain. Maq'ad aur peeshab ki naali mein koi cheez daakhil karna muhlik ho sakta hai. Iss sey har soorat bachna chahiyie. Mera ek client apni peeshab ki naali mein kabhi pencil, kabhi tinka daakhil kya karta tha.
Humarey haan sab sey zyada ghalat baatein (myths) mushtzani kay hawaley sey mashhoor hain. Jinhon ney naujawan nasal ko pareshan kar rakha hai. Mushtzani mein fard hath sey apni jinsi khwahish ko poora karta hai. Naujawan iss amal ko haftey mein ek ya do baar kar letey hain. Merey ba'az client rozana aur ba'az ek din mein 6 ya 7 baar tak kar letey hain. Mera ek shadi shuda client 24 ghanto'n mein 15 dafa tak karleta tha. Iss ney aisa kaee baar kya. Yani woh jagtey mein taqreeban har ghantey mein ek baar kar leta tha, woh abhi zinda hai, kaee bachon ka baap hai. Kitabon mein ek aisey fard ka bhi zikr milta hai jo har ghantey mein 3 ya 4 baar mushtzani kar leta tha.
Hindustan, Pakistan mein naujawanon ka sab sey ahem masla mushtzani hai. Yeh masla mardon mein zyada aur aurton mein kam hai. Mukhtalif researchers (muhaqqaqeen) kay mutabiq 95 ta 99% mard iss aadat ka shikar hain. Ma'aroof researchers sherry,hyte kay survey kay mutabiq 99% mardon ney kabhi na kabhi mushtzani ki hai. Mashhoor mahir-e-nafsiyat Fryde ka khayal hai kay saarey mard kabhi na kabhi khudlazzati kartey hain albatta 95% iqraar kartey hain aur baqi 5% jhoot boltey hain. Magar research aur mera clinic ka tajurba fryde kay iss khayal ki tardeed karta hai yani 1% khudlazzati nahin kartey
Khudlazzati Ya Mushtzani: Umar Jinsi Suroor
Mein aisey logon sey waqif hun jinhon ney kabhi khudlazzati nahin ki albatta unko ehtilam khoob hota tha. Bohut sey bachey 10 saal ki umer sey pehley mushtzani shuru kardetey hain. Ba'az bachey 6 maah ki umer sey mushzani karney lagety hain, albatta inka andaz baron sey mukhtalif hota hai maslan maan bachey ko nehaltey waqt jab uss kay zakar ko mul kar saaf karti hai to usey shahoot aa jati hai aur uska zakar akarr jata hai yani usey erection ho jati hai. Isi tarah aap ney dekha hoga kay 6, 7 maah ka bacha bister per leta apney akrey zakar sey khel raha hai (choti umer kay bachey agar apney zakar ko chaerein to unko daantney ki bajaey unki tawajjah kisi aur taraf kar dein) iss umer mein bachon ko jinsi suroor-o-lutf (orgasm) to hasil hota hai magar inzal nahin hota. Mani ka ikhraj ya baloghat kay ba'ad hota hai. Merey paas ek bacha laya gaya bachey ki umer 4 saal thi woh apney zakar ko maan ya baap kay jism sey ragerr kar suroor hasil karta. Yaad rahey kay bachey kop maan kay paet mein tanau (erection) ho jata hai. (Hyde)
Agarcha khudlazzati ka zyada ter shikar larkey hotey hain jin ki shadi na hui ho magar ab jadeed research sey ma'aloom hua hai kay shadi shuda mard bhi iss aadat mein mulawwis hain.
Mashhoor American muhaqqiq Kinsey ki research kay mutabiq America 70% shadi shuda graduate saal mein taqreeban 24 baar mushtzani karletey hain yani ek maah mein do baar tak mushtzani kay zaryey mard amooman 2 ta 5 minute mein inzal hasil karletey hain.
Mushtzani Kay Masail Aur Jinsi Kamzori
Jab kay aurtein 5 ta 10 minute mein jinsi urooj (orgasm) hasil karti hain.
Khudlazzati/mushtzani (masturbation) kay hawaley sey humarey haan bohut sey gumraahkun aur ghalat tasawwuraat (myths) aur kahaniyan phaeli hui hain jin se naujawan bohut zyada khaufzada hain magar woh shadi tak usey control nahin karsaktey.
Mushtzani kay hawaley sey humarey naujawan do qism kay masa'el ka shikar hain.
  1. Jinsi, jismani aur zehni kamzori ka ehsaas aur khauf
  2. Shadeed ehsaas-e-gunah
Mushtzani Ki 'Tabahkaariyan'
Mushtzani kay mafrroza nuqsan kay hawaley sey jitney qissey, kahaniyan aur afsaaney (myths) mashhoor hain shayed hi kisi aur cheez siwaey hypnotism kay mashhoor hun gey. Urdu mein sex ki kitab utha kar dekh lijiyie woh mushtzani kay farzi nuqsaanaat sey bhari hui hain jin mein sey chend ek darj zeal hain.
Homeo doctor Asghar Ali Chaudhri likhtey hain.
Mushtzani sey khudaetmaadi aur quwwat-e-iradi khatam ho jati hai. Dimagh aur beenaee kamzor ho jati hai. Zehni uljhanein barh jati hain. Fard tanhaee pasand ho kar zindagi kay hungamo'n sey kinara kash ho jata hai. Uzu ki makhsoos rugein ubhar aati hain aur taerha pan ho jata hai.
Mushtzani Kay Masail Aur Farzi Nuqsanaat
Darmiyan mein sey patla ho jata hai. Aisey larkey jawan ho kar amooman akhlaqi mujrim ban jatey hain. Muta'alla karney ko jii nahin chahta. Kuch yaad nahin rehta. Bey chaeni, udaasi, afsurdagi, mayoosi, ghabhrahat aur jhijhak iss per tari ho jati hai. Khelon mein hissa leney sey katratey hain. Mushtzani sey jiryan, ehtilam, sur'at-e-inzal aur na mardi tak amraz paeda ho saktey hain, maeda kharab ho jata hai, bhook marr jati hai. Raat ko wehshatnaak khwab aatey hain. Chehra har waqt bey ronaq rehta hai, gaal pichak jatey hain aur zinda laash ban kar reh jata hai.
Ma'aroof likhari aur ustaad Ali Abbas Jalalpoori irshad farmatey hain:
Kasrat-e-jalaq bilashuba ek naukhaez jism aur zehen kay aksar awariz ka sabab ban jati hai. 12, 13 saak ki umer mein kasrat-o-tawatur sey jalaq lagaee jaey to a'aza-e-tanasul ki nashaunuma rukk jati hai. Kotahi, laghari aur kaji kay ba'es majlooq muqarbat kay qabil nahin rehta. Iss ka nizam bhi ma'uf ho jata hai. Aankhein ander ko dhans jati hain. Inn kay gird kaley halqey namudaar ho jatey hain. Aankhon ki putliyan bey ronaq aur bey noor ho jati hain , chehrey ka rung matyaala ho jata hai. Chehrey per phunsiyan nikal aati hain. Hath bheegey bheegey aur sard rehtey hain, hafiza kamzor ho jata hai. Baat kartey waqt mukhatib sey aankh nahin mila sakta, na kisi masley per ghor-o-fikr kar sakta hai iss ka aetmaad-e-nafs majrooh ho jata hai, mizaj hamwaar nahin rehta. Azm-o-hosley sey sey aari ho jata hai. Matloon mizaj aur chirchira pan ho jata hai aur tootey huey jumlon mein baat karta hai. Doosrey hamjinso'n ki sohbat sey guraez karta hai aur khelon mein hissa nahin leta. Tanha idhar udher ghoomta phirta rehta hai. Libas kay maamley mein bey parwaah hota hai.
Mushtzani Kay Mafroozaat Aur Nafsiyati Uljhan
Badni safae ka khayal nahin rakhta. Shaadi kay naam sey ghabhrata hai. Jawan aurat sey baat karety huey uss ko paseeney aaney lagtey hain aur dil dhak dhak karney lagta hai. Who tashweesh ki uljhan mein mubtala ho jata hai. Bus mein safar kar raha ho to darta rehta hai kay kahin is ski takkar na ho jaey. Cinema mein betha ho to ooper dekhta hai kay kahin chutt na gir parrey. Iss kay iqdaam aur paeshraft ki quwwat slab ho jati hai aur iss mein mareezana jhijhak paeda ho jati hai. Nafsiyati rukawat kay ba'es woh ma'amooli sa kaam bhi saleeqey sey nahin kar sakta, maslan taxi waley ko awaz detey waqt, khirrki sey ticket khareedtey waqt, rail mein sawar hotey huey, public toilet ko istemal kartey waqt ghabhra jata hai. Woh na kisi kay mazaq per khul kar hans sakta hai aur na kisi museebat mein kisi sey izhar-e-hamdardi kar sakta hai. Uss ki khamoshi kay ba'es log usey mutakabbir samjhney lagety hain kyun kay woh uss kay ajeeb-o-ghareeb tarz-e-amal kay asal asbaab sey na waqif hotey hain. Usey apni alamnak haalat ka ehsas hota hai. Who zindagi kay haqa'eq sey g uraez kar kay barey barey buland nasb-ul-ain apna leta hai aur hero banney kay khwab dekhney lagta hai. Adbi zoq sey behra war hoto meyar sey gira hua adab takhleeq karta hai. Uss kay ehsaas sey zakawat aur takhayyul mein khwabnaaki si aajati hai. Who uskay shaeron aur qisson mein bhi raqeeq jazbatiyat aur alamnaak afsurdagi ka rung b harti rehti hai.


Mushtzani Kay Elaj Ki Zaroorat Nahin
Yeh ek dhoka, faraeb aur jhoot hai. Kya zyada bolney sey fard kamzor ho jata hai, ya jo fard kam bolta hai ya khamosh rehta hai woh taqatwer hota hai. Pehli baat to yeh hai kay hudd ka meyar kya hai. Har fard ki hudd doosrey sey mukhtalif hai. Ek fard ki hudd haftey mein ek baar hai jab kay doosrey ki hudd din mein ek baar hai. Ta'hum ek din mein 7/8 baar karna bhi hudd sey guzarna aur zyaditi nahin hai. Haqeeqat yeh hai kay koi bhi insaan fitri tor per hudd sey zyada mushtzani (masturbation) nahin kar sakta, kyun kay agar woh hudd sey zyada karey ga to mani (mani (semen)) khatam ho jaey gi aur zakar sooj jaey ga. Khusyon mein dard honay lagey ga, zakar sey mani kay bajaey khoon nikalney lagey ga aur infection ki wajah sey zakar mein dard honey lagey ga. Aisa to shayad hi kisi kay sath hua ho. Dilchasp baat yeh hai kay aisi surat mein chund din mushtzani chorney sey har cheez normal ho jati hai aur koi mustaqil kharabi paeda nahin hoti, yeh fitrat ka self healing system hai. Yani kisi elaj ki zaroorat nahin. Albatta zyada mushtzani aur compulsive mushtzani mein farq hai. Compulsive mushtzani mein fard baghaer kisi khwahish aur zaroorat kay mushzani karta haiojis tarah ba;'az log bar bar hath dhotey hain. Iss surat mein yeh ek nafsiyati beemari hai jis ko OCD kaha jata hai, iskay liye kisi mahir-e-nafsiyat sey elaj karaya jaey.
Ta'hem NIN kuch mushtzani kay ba'ad kamzori mehsoos kartey hain. Iski bari wajah tawaqqa (expectation) hai jis kla hum zikr kar chukey hain kay jaisa hum sochtey hain waisey hi ho jatey hain. Doosra fard mushtzani ki wajah sey shadeed ehsaas-e-gunah mehsoos karta hai.
Mushtzani Sey Depression Bhook Aur Kamzori
Fard shadeed udaasi aur afsurdagi mehsoos karta hai. Iska kisi kaam mein dil nahin lagta, tawajja muntashir ho jati hai, chirrchirra pan paeda ho jata hai. Jinsi khwahish khatam ho jati hai, fard ki bhook aur neend bhi khatam ho jati hai aur kamzor honay lagta hai, uska wazen kam ho jata hai. Ab fard ko yaqeen aa jata hai kay woh waqaee mushtzani ki wajah sey na sirf kamzor aur beemaar hogaya hai bul kay jinsi tor per bhi khatam ho gaya hai, hala'n kay iski bari wajah tawaqqa aur doosri wajah depression hai na kay mushtzani. Kamzori ki ek wajah yeh bhi hoti hai kay mushtzani kay ba'ad fard relax ho jata hai jisey woh kamzori samajh leta hai. Hala'n kay yeh sirf relaxation hoti hai na kay kamzori. Aisey naujawan jab kisi 100 sala sanyasi baba kay hatthey charh jatey hain to yeh inko bata kar kay woh jinsi tor per khatam ho chukay hain iss qadar khaufzada kardetey hain kay yeh naujawan ghurbat kay bawajood elaj per hazaron rupey kharch kar detey hain, yeh bangali baba inn naujawanon ko kashtey waghaera detey hain jo aksar muzir hotey hain. Merey aisey ek client ko kashta diya gaya jis sey uss kay gurdey nakaara ho gaey. Sarkari hospitals mein gurdey kay ward mein aksar mareez isi tarah kay hotey hain.
Haqeeqat yeh hai kay mani (semen) ka ikhraj peeshab ki tarah ek normal, mufeed aur sehat mand uzwiati amal hai. Yeh baat iss cheez sey bhi sabit hoti hai kay jab kisi naujawan ki shadi hoti hai to woh shuru mein kasrat sey mubaashirat sey lutfandoz hota hai jis sey bohut zyada mani kharij hoti hai magar iski sehat behter hoti hai.

  • MUSHTZANI EK BUHAT BARA GUNAH HAI

AB TAK JO BHI APKO DETAIL MUSHTZANI K HAWALEY SE BATAI GAI WO EK MEDICALY BAT OR LAGON KI RESEARCHS HAIN BUTT ACCORDING TO ISLAM MUSHTAZANI EK BUHAT BARA GUNAH HAI OR INTEHAI SHARAM NAK OR BE HAIYAI WALA KAM HUM SUB NOJAWANON KO IS SE BACHNA CHAHIYE OR KABHI BHI IS GUNAH KA HISA NAHIN BANA CHAHIYE HAR WAQT YEH TASAWUR RAKHEN K 
( ALLAH PAK ) AP KO HAR JAGA DAIKH RHA HAI HUM SB NOJAWANON KI IS GUNAH SE BACHNA CHAHIYE OR DOSRON KO BHI ROKNA CHAHIYE MUSHTZANI ZANI KA SB SE BARA NUQSAN TO YEH HAI K AP EK INTEHAI BEHAYAI WALA KAM KAR RHY HO TO LEHAZA KISI BHI SORAT MUSHZANI NA KI JAE MANI K IKHRAJ SE KOI NUQSAN NAHI HAI AGAR AP SHADI SHUDA HO TO IS PURE ARTICLE MAIN KISI BHI JAGA KISI BHI PERAGRAPH MAIN AGAR KISI KO BHI YEH LAGTA HAI K MAIN MUSHTZANI KI FAVOR MAIN HUN YA YEH ARTICLE MUSHTZANI KI FAVOR MAIN HAI TI IS GHALAT FEHMI MAIN NAHI RAHYE GA MUSHTZANI HAR SORAT HARAM HAI OR ISLAM MAIN BILKUL MANA HAI LIHAZA IS GUNAH SE HAMESHA BACHA JAE IS ARTICLE MAIN BATYA GAYA HAI K LOG IN CHEZON KA SHIKAR HAIN JO GHALTIYAN HO GAIN UN KI TOBA KAREN OR SACHEY DIL SE IS GUNAH SE DOOR REHNE KI TOBA KARLEN 

27 comments:

  1. Please don't read this material, its entirely against Islam, because in Islam "masturbating" is prohibited, and its considers as a sin more or less equals to "Zannah"

    ReplyDelete
  2. Please don't read this material, its entirely against Islam, because in Islam "masturbating" is prohibited, and its considers as a sin more or less equals to "Zannah".This person is leading you to the wrrong way.Haditt "Those who did masturbating,in the day of judgment thei hand will born babies and they feel shame".

    ReplyDelete
  3. This comment has been removed by the author.

    ReplyDelete
  4. Plzzz. Mardana Kamzori Dur karne or Takhat badane ka Sahi Tarikha Batayen

    JAZAKALLAH

    ReplyDelete
  5. asalamoalaikummr imad first of all i clear you all one thing that i am not saying you do hand practise i just describe you there is no harm to do hand practice in trouble yah i agreed its a sin but its halal when you never se any kind of way to control your self other daily routin if you do this as a fun so its a very big sin

    ReplyDelete
  6. @ spicetube:
    app directly yeh nahin keh rahay k handpractice mat karo par indirectly yeh bta kar k us kay nuqsanat nahin logon ko ek aur raah to dikha rahay hain na, kindly apnay stuff main islamic point of view b shamil karain
    aur islam nay jo issay say mana kya hai, is say akhirat to kharab hogi insan ki yakeena dunya main b nuqsanat hongay, Allah Hamain is say aur her us amal say bachnay ki taufeeq ata farmaye jis say woh naraz hota hai aur amni raza waly aamaal karnay ki taufeeq ata farmaye...

    ReplyDelete
  7. Bohat boriat walay style me likha ha sab.Likhne ka koi tareeqa ni in sahib ko. itnay qissay kahanio me itna kuchh parh k result kuchh bhi ni. aik jagha aik baat karta ha to dusri jagha ussi k opposite. shortcut likhna chahye kah yah masla ha, nuqsandeh ha ya ni, agar nuqsandeh ha to ya tareeqa ha bachne ka, elaaj yah ha. bas baat khatam. ab kaun pagal ha jo iskay clients k qissay sunay jo koi week me 7 dafa karta ha to koi 1 hour me 7 dafa. hamain unse kya lena dena..

    ReplyDelete
  8. ASALAM-O-ALAIKUM YEH I AGREE THAT HAND PRACTICE IS TOTALY HARAM THATS WHY I EDIT ONE PRAGRAPH IN THIS ARTICLE SO EVERY ONE READ IT

    ReplyDelete
  9. As salam o alikum bhai meri help kro yr

    Mujhe 2 saal se kharish ki prolem hey or isi k sath daane b nikalte hen or ye problem ziada tar meri sharam gah per hoti hey pls help me or iska koi sex se talluk hey to ye b bata do pls

    ReplyDelete
    Replies
    1. ASALAM-O-ALAIKUM mr rahel ap koshish karen k underwear nhi pehnen or agar pehnen to garam pani se dho k detol se phir istemal karen or kharish ki jaga pe din main 2 martaba b-panthan cream lagaen IN SHAA ALLAH ALLAH PAK NE CHAHA to zaror shifa hogi JAZAK ALLAH

      Delete
  10. mushtzanni say bachny ka koi tareeqa bta do buht koshish ki ni chorh paraha plz koi acha hal bataiye

    ReplyDelete
  11. sirf namaz ki pabandi karo namaz har burai se rokti hai bajamat 5 waqt IN SHAA ALLAH apka masla hal ho jae ga


    ReplyDelete
  12. This comment has been removed by the author.

    ReplyDelete
    Replies
    1. Mein haftey me 2-3 times mushtzanni karta hon, and i could not control it. Problem is that, when i wake up in the morning, mujhe erection nahi ho rahi jab k pehle hua karti thi... yei problem mujhe 1 hafte se feel horahi hai..wese khud chahun normal halat me erection hoti hia...kia mein mardana kamzori ka shikar ho raha hon.?

      Delete
  13. plz main kuch articles parh raha tha jin main aik main maine jaryan k bare main b parha or mje lag raha hai k mje yeh problem hai..... kia is k koi nuqsanat hai or is ka mashtzani se koi taaluq hai kya......????? plz repl

    ReplyDelete
  14. This comment has been removed by the author.

    ReplyDelete
  15. This comment has been removed by the author.

    ReplyDelete
  16. assalam alaikum dear mein ap ko ikhatalm ke problem ke liye asi dawa don gha jis se ap ko phr ikhtalam nahe ho gha just serious person,s contact with me 03144055312

    ReplyDelete
  17. Name : Raza.

    Very fair color.

    Age: 29 / City .. Faisalabad....Sargodha...Pakistan.

    About.

    A Beautiful Full body Massage for womens And Couple specially for married womens.

    Only Home service with in (Faisalabad..Sargodha) by professional body massagers.

    Full Body Relaxation Ayurvedic Massage at your place only (Home & Hotel).

    If you want to take this service please message me at any Day time.

    Phone #

    (0337....Zero .Six .Nine .Nine ,Five ,Five ,Zero.... )

    ReplyDelete
  18. assalam alaikum if u have any sex issue men,s and women,s u can freely contact with me 03144055312

    ReplyDelete
  19. mai pehle musht zani krta tha ab chor di magar mera penis chota patla dhela ho gay he plzzzzzzzzz helpppp me meri shadi 3 months baddd he mjhe medicines and advices chaye

    ReplyDelete
    Replies
    1. Bhai jaan. Ubqai.org visit kry
      Hakeem tariq mehmood chugtoi sy mulakat ka time ly. Inshllah sb thk ho jy ga . Dont worry

      Delete
  20. Agr kisi ko koi masla hai kisi kisam ka.
    Lahore mazang chunggi dawa khana ubqari k name sy bohut hi aawlaa hakeem hain or sath main aaamil b hain. Kisi b kisam ka pareshani ka masla ho un sy krway. Inshallah na umeedi nhi ho ghi. Or un sy mulakaat sy pehly time laina zarori hai.. baki detail ap ubqari.org py dekh k ly lain. Dua'on main yaad rakhiyeee ga.
    take care

    ReplyDelete
  21. Note... Dosto Aj Men ap logo aik bat batanay ja rha hun.Jo Log Mushtzani kartay hain,Aor woh is badkari c jan chorana chahatay hn. woh is link pa click krn aor nechay comment box men comment dn.Men ap ko aik aisa tablet bataun ga.jo sari zindgi is badcari c ap ka jan chot jay ga thnx,,, aor bad men mery reply ka wahen commen box men wait krn,,,http://www.paklatest.com/islam-aur-musht-zani-masturbation-in-islam/

    ReplyDelete
  22. This comment has been removed by the author.

    ReplyDelete
  23. http://www.paklatest.com/ visit kr k comment krn.men ap ko tablet batun ga.Insaallah faida ho ga. free men tablet btaun ga dosto.thnx

    ReplyDelete

chitika